練習策略揭秘班

彈奏困難，迎刃而解

​我地練1個鐘，勝過人地練10個鐘

​學生評價

《震驚七百萬人》 每一堂喺你度學嘅野都顛覆咗我原本對彈琴嘅認知，非常有啟發性，無諗過原來一直以黎彈琴用嘅力都唔岩，踩個paddle都唔岩，無諗過練琴有咁多方法，記一首歌有咁多方法。 過去一直以黎彈琴都係逐個逐個音睇，彈岩音，再用muscle memory記，效率極低，每次中間彈錯咗，都係由頭彈， 導致每首歌都係一開頭比較熟，後面就越嚟越唔熟。呢個course令我知道左好多原本彈琴/練琴方法都唔啱，真係好驚世😂😂。我誠意推薦每個學琴人士都要黎聽下，你會發現有咗阿Sir教嘅知識，學琴/練琴嘅efficiency都會高好多，了解好多背後嘅原因，唔再淨係跟住琴譜上面嘅指示去彈。尤其是初學琴嘅，可以黎呢度學岩手勢先～同坊間出邊填鴨式學考試歌、為左張cert嘅考級、漫無目的嘅彈完一本書又一本書，真係好唔同。我夠膽講，過去咁多年學琴，都唔夠喺度上兩個月course學到咁多野🤯🤯 呢度上堂唯一嘅壞處係資訊量太大😂 啊sir無私咁教好多野俾我地，每次上完堂，都會好想快啲返屋企試下練。 多謝老師你喺我嘅學琴生涯度出現，雖然係喺我彈壞晒手勢10年之後先出現，但never too late!!☺️❤️

Eugena (練習策略揭秘班、Sight Reading特訓班、由零學即興，三料畢業生）

課程與我過往所上截然不同，能夠由多方面著手解決我彈奏/練習古典音樂的困難，例如左右手大細聲以及拍子問題等，都能夠貼身地給予解決方法和練習技巧，提供唔同的方面/視野去了解問題的根本。令我能夠有一個正確的方向去練習。此課程非常原創以及具有啟發性，我會推介給我身邊正在學琴路上迷路的朋友！

​

ps. 其實我的老師曾有教過幾個《練習策略揭秘班》 上的練習技巧，但由於沒有系統地講解以及有時候只是略略地帶過有關的練習技巧，所以我只能是一知半解，基本上只是死練。

Lewis （練習策略揭秘班、Sight Reading特訓班，雙料畢業生）

八堂裏面令我學到好多嘢，有前所未有嘅啟發。雖然彈咗琴有10幾廿年了，但係從來冇老師教我應該要點樣練琴。 Kelvin sir嘅方法好有效率，有唔同嘅方法去針對唔同嘅練琴問題。例如隻手要點樣放鬆，邊度用力。你連一啲拍子同埋音色唔平均嘅時候，應該要點樣處理。 以前呢啲問題都會令我好沮喪，但係而家知道咗方法，覺得好神奇。原來好所有好複雜嘅嘢，都可以分拆成為好多好簡單嘅嘢。 Kevin sir會教我哋點樣先分析份譜，邊度應該點樣練。而且課程好多互動，阿Sir會問我哋野，我哋有咩問題，又可以即時問佢，佢會即刻解答。感覺好實用，唔似一啲坊間嘅老師叫你自己再練多啲，但係又唔話俾你聽應該點樣練。 想完呢個course，再加埋之前嘅SR特訓班，令我對彈琴重拾興趣，雖然而家已經得返好少時間可以練琴，但係其實練琴唔係着重練幾耐，而係練琴嘅質素，練嘅方法有沒有效率。 所以無論學咗近幾多年嘅朋友仔，我都推薦衣一個課程！用返阿Sir嗰啲方法練琴，就會發現用而家新嘅方法去練，半個鐘，就等於以前練左一個鐘！

Cathy （練習策略揭秘班、Sight Reading特訓班，雙料畢業生）